A' Cho-fharpais

Tha sinn a' lorg fhilmichean goirid den a h-uile seòrsa: dràma, aithriseach, spòrs, oillteil, comadaidh, bhideo ciùil, deuchainneach .. rud sam bith fhad 's a tha am film deireannach sa Ghàidhlig. Tha sinn air a thighinn an-àird le na cuspairean a leanas gus ur smuaintean cruthachail a stiùireadh:

	Tubaist Collision
	Chlisg mi! Yikes!
	Oidhche Shathairne... Saturday night...
	Aodainn ùra, àiteachan ùra New faces, new places
	Sorcha 's dorcha Dark and light

Chan eil e riatanach gun lean sibh cuspair, ach thèid cuid a dhuaisean a thoirt a rèir a' mhìneachaidh as cruthachaile air fear de na cuspairean gu h-àrd.

Feumaidh a h-uile inntrigeadh a bhith a-staigh ro 1 An Dùbhlachd 2008 gus an tèid tòiseachadh air a' bhreithneachadh agus gus an tèid agaibh air bhòtadh airson am film as fheàrr leibh. Thèid cuirm dhuaisean mìorbhaileach a chumail san Gearran, 's mar sin faighibh ur deiseachan agus frocannan as spaideile deiseil!

Gheibh an sgioba a bhuannaicheas ann an dà roinn fiathachadh le MG ALBA airson prògram-paidhleat aig ìre chraolaidh a leasachadh airson nan seirbheisean ùra air telebhisean agus air-loidhne a thèid a chur air bhog as t-fhoghar.

Cuimhnichibh gun leugh sibh na riaghailtean mus cuir sibh a-steach air a shon. Gur math a thèid leibh!

Faighibh PDF dean duilleag seo an seo.